لاعب الزمالك يفتح النار على مجلس الإدارة بسبب إصابته
فتح يوسف حسن، لاعب الفريق الأول لكرة القدم بنادي الزمالك، النار على إدارة القلعة البيضاء برئاسة حسين لبيب، بسبب إصابته.
وأوضح أنه يتعرض للظلم داخل نادي الزمالك، وأن مستقبله بات في خطر بعد الإصابة التي تعرض لها خلال الفترة الماضية، واجرائه عملية جراحية، مؤكدًا أن الإدارة تتجاهل مطالبه.
وكتب لاعب الزمالك عبر حسابه الرسمي على موقع التواصل الاجتماعي فيس بوك: “انا بسبب اللي بيحصل معايا ده هبطل كورة انا لا بتأهل ولا بتدرب ومستقبلي بيضيع، الكورة هي شغلي وأكل عيشي ومش عارف انا أذنبت في ايه ولا عملت ايه علشان اللي بيحصل معايا ده “.
اقرأ أيضًا.. موديست يكشف موعد رحيله عن الاهلي
وتابع حسن: “اللي حصل فيا مش قليل عارف الناس ممكن متصدقش الي بيحصل معايا بس وحياه الايام المفترجه دي “.
واستكمل: “بعد اصابتي محدش كان عايز يعملي العملية من الادارة وبعد أكتر من 6 شهور قاعد في البيت عملت العملية بعد مجهود كبير جدا جدا “.
واسترسل: “بعد العملية الادارة الجديدة وعدوني هنوديك علاج طبيعي، اول شهر ودوني لـ دكتور علاج طبيعي اسمو د خالد الشناوي، رحت شهر و اتنين والنادي مدفعش الفلوس لـ الدكتور وكل شويه يقولي ويطلب فلوسه طبعا انا اتكسفت اني اروح تاني العلاج الطبيعي وبقالي 3 شهور يعتبر قاعد ف البيت “.
وأضاف: “وحياة ربنا وحياة ربنا ما حد عبرني بـ مكالمه تليفون ولا حد بيرد عليا أصلا”.
وأتم لاعب الزمالك حديثه قائلًا: “حسبنا الله ونعم الوكيل ف كل ظالم، اول مره اشوف كده اول مره أشوف ظلم ب عيني فعلا، عمري ما حصلي كده ف حياتي”.
